ЕБСургуультай хамтран 2017 оны 4 дүгээр сард шатрын клубыг байгуулан амжилттай үйл ажиллагаагаа явуулж байна. Клубын нээлтэд зориулан шатрын тэмцээн болон шатар урлах бүтээлийн уралдааныг зохион явуулсан.  Энэхүү клуб нь шатрыг сум орон нутагтаа хөгжүүлэх, олон нийтэд түгээн дэлгэрүүлэх зорилготой, шатар сонирхогч хүн бүхэнд нээлттэй ажиллаж байна.  Тус клуб нь өндөр настан Ц.Цэдэнбалжир /ахмад үе/, сумын Хаан банкны эрхлэгч, ИТХ-ын Төлөөлөгч Г.Пүрэвдорж /дунд үе/ , 12Б ангийн сурагч А.Хишигдэмбэрэл /залуу үе/ гэх мэт үе үеийн төлөөллийг хамруулсан 11 гишүүний  бүрэлдэхүүнтэй ба одоогоор 200 гаруй идэвхтэн сонирхогчид суралцаж байна.