Иргэд та бүхэн гэмт хэрэг, зөрчлөөс урьдчилан сэргийлж, амарч, аялаж зугаалахдаа доорх зүйлсийг анхааран сэрэмжтэй байж, бидний ажилд дэмжлэг үзүүлэхийг хүсье.
- Удаан хугацаагаар гэр орноо эзэнгүй орхих тохиолдолд хажуу хөрш, айл саахалтдаа мэдэгдэх, гэр орон, байр, сууцаа эргэж тойрч байхыг захих, хамгаалалт бэхэлгээг сайжруулах
- Ногоон бүсэд зугаалахдаа гал түймрийн аюулаас сэрэмжилж асаасан гал, нурамаа бүрэн гүйцэд унтрааж өөрийн болон бусдын аюулгүй байдлыг хангах.
- Хэт халалт, наршилтаас сэргийлж, хүчтэй аадар бороо, үер усны аюулаас болгоомжлох 
- Архи согтууруулах ундааг тохируулан зөв зохистой хэрэглэх, хэтрүүлэн хэрэглэсэн үедээ гол усанд орохгүй байх
- Бага насны болон өсвөр насны хүүхдүүдийг өөрсдийн хараа хяналтаас гадуур орхихгүй байх, хэрэв дагуулж яваа бол хараа хяналтандаа байлгах
- Гэрээсээ гарахдаа цахилгаан хэрэгслээ унтраасан эсэхээ шалгах 
- Үнэт зүйлсээ харуул хамгаалалттай газар байршуулж, удаан хугацаагаар эзэнгүй орхихгүй байх
- Холын замд явахдаа тээврийн хэрэгслийн бүрэн бүтэн байдлыг хангах, цаг агаарын анхааруулах мэдээг сонсож замд гарахаа төлөвлөх
- Замын хөдөлгөөнд оролцохдоо хамгаалах бүсээ хэрэглэж, бие биендээ хүндэтгэлтэй хандах
- Гэмт хэрэг, зөрчлийн талаарх мэдээллийг холбогдох албан тушаалтнуудад цаг тухайд нь мэдэгдэж байх